Li Diyarbekirê temamê hazirîyên ji bo bernameya “Mewlida Nebî” ya bi mijara “Hz. Muhammedê Rêberê Cîhadê” wê ji teref Weqfa Evîndarên Pêxember ve tê lidarxistin, hatin temamkirin û  bername bo coş û şahîyeke mezin dest pê kir.

Îro ji teref  Weqfa Evîndarên Pêxember ve li Diyarbekirê bernameya “Mewlida Nebî” ya bi mijara “Hz. Muhammedê Rêberê Cîhadê” lidarxistin. Amadehîyên ji bo bernameyê tev qedîyan û cihê bernameyê û temamê bajêr bi pankart û afîşan hat xemilandin. Bernamaya ku li Parka Newrozê Qada Mîtîngê tê lidarxistin û li ser ekranên Rehber Tv û medyaya civakî zindî tê dayîn di seat 13.30ande dest pê kir.

Li qada bernameya Mewlida Nebî hat dîtin ji bo mêvan û ehlê bajêr birçî û bê av nemînin kermes hatiye vekirin û qada bernameyê bi al û bayraqên tewhîdê hatine xemilandin.

Her wisa li qadê hat dîtin ji bo zarokên windabûyî, kesên ku nexweş bikevin û ji bo îxtîyacên din ên însanan kon hatin danîn.

Bi hezaran kes beşdarî bernameya mewlidê ya bi mijara “Hz. Muhammedê Rêberê Cîhadê” ya ku li Parka Newrozê Qada Mîtîngê tê lidarxistin bûn.

Ji bajêr û navçeyên derdorê jî gelek kes beşdarî bernameya Mewlida Nebî bûn. Bernama bi xwendina Quranê ya ji teref Doç. Dr. Rifat Ablay dest pê kir û bi xwendina mewlidê berdewam kir.

Di bernameyê de ew ê ji teref Serokê ‘Alimên Filistînê Dr. Newaf Tekrurî û Menaf Adiyaman ve axavtinek bê kirin.

Dawîyê de jî Mehmet Goktaşê Serokê Fexrî yê Weqfa Evîndarên Pêxember wê axaftineke bike.

Ew ê bernama bi xwendina îlahî û ezgîyan berdewam bike û ew ê bi diaya ku dê bê kirin bi dawî bibe. (ÎLKHA)